في ناس بتسأل ابلاكيشن ازاي يعني هيفرق ايه عن البرامج ؟؟ واشمعنا ويندوز 8 وهيشتغل ازاي وايه الفايده منه ؟
اقولكم مايكروسوفت لما عملت ويندوز 8 غيرت في حاجات كتير جدا عن ويندوز 7 فقايمه ستارت بقت واجهة تاني اسمها الميترو وضايفين فيها ابلاكيشن ستور او مخزن للتطبيقات زي الاندرويد والموبايلات السامسونج والنوكيا بالظبط
اي ابلاكيشن بننشره عباره عن برنامج بردو بس مش سطب زي باقي البرامج ومجاله محدود نوعا ما وبيشتغل من جوا واجهة الميترو مش زي اي برنامج علي اي ويندوز تاني
هتسألني وايه الفرق بين التشغيل من واجهة الميترو والطريقه العاديه ؟
واجهة الميترو الويندوز بيتحكم فيها تمام بمعني ان لو في برنامج هيفتح الكاميرا لازم ياخد اذنك الاول .... لو في برنامج هيحدد موقعك لازم ياخد اذنك ... لو برنامج هيشغل المايكروفون او يسجل حاجه لازم ياخد اذنك وبالتالي نسبة الحماية اعلي من التشغيل بالطريقه العاديه
ويندوز 7 مفيهوش ابلاكيشنز لأن مايكروسوفت معملتش فيه ستور اصلا ولا واجهة ميترو ولا قربت ناحية الاختراع ده
ويندوز 7 بيقبل جادجيتس بس زي الساعه والطقس والحاجات اللي بتبقا ف اليمين دول ونصحو بعدم استخدامها لأن فيها ثغرات قد تسبب اختراق الجهاز
شارك الموضوع مع أصدقائك ؟
ليست هناك تعليقات:
إرسال تعليق